E-government

La Confederaziun, ils chantuns e las vischnancas persequiteschan ina strategia cuminaivla dad e-government. Il chancelier federal Walter Thurnherr è commember da la cumissiun directiva dad E-government Svizra. La ChF è plinavant l'organisaziun responsabla per il project strategic Vote électronique e per la prestaziun strategica «Access a prestaziuns electronicas da las autoritads».

Realisond la strategia dad e-government vulessan la Confederaziun ed ils chantuns cuntanscher ensemen quatter finamiras:

  1. Orientaziun a prestaziuns da servetsch: Las prestaziuns electronicas da las autoritads èn facilas d'utilisar, transparentas e segiras.
  2. Niz ed effizienza: Il e-government stgaffescha ina plivalur per la populaziun, per l'economia e per las autoritads e reducescha per tut ils participads la lavur en connex cun la liquidaziun da fatschentas d'autoritads.
  3. Innovaziun e promoziun economica: Il e-government nizzegia innovaziuns e promova uschia l'attractivitad da la Svizra sco lieu economic e sco spazi da viver.
  4. Durabilitad: L'utilisaziun multipla da soluziuns vegn promovida. La Confederaziun ed ils chantuns garanteschan la durabilitad da servetschs dad e-government tras quai ch'els stgaffeschan premissas per lur organisaziun, per lur finanziaziun e per lur gestiun.

La Chanzlia federala cooperescha tar la realisaziun da la strategia. Ella è l'organisaziun responsabla per il project Vote électronique e per la prestaziun «Access a prestaziuns electronicas da las autoritads». Per incumbensa dad E-government Svizra maina ella il portal da las autoritads ch.ch. Ultra da quai è il chancelier commember da la cumissiun directiva dad E-government Svizra.

https://www.bk.admin.ch/content/bk/rm/home/dokumentation/e-government.html