Commembers da la direcziun
Sectur dal chancelier
Secziun dals dretgs politics
La Secziun dals dretgs politics è responsabla per exequir ils dretgs dal pievel, per preparar las votaziuns ed elecziuns federalas sco er per coordinar l'introducziun da la votaziun electronica tras ils chantuns (uschenumnà vote électronique).
Rachel Salzmann, vicechanceliera
Sectur Cussegl federal
Secziun fatschentas dal Cussegl federal
La Secziun fatschentas dal Cussegl federal (SFCF) sa deditgescha al coc da las activitads guvernamentalas. Ella s'occupa da las circa 2500 fatschentas ch'ils departaments suttamettan mintga onn a la deliberaziun tras il Cussegl federal.
Secziun da dretg
Per l’infurmaziun cumplaina consultar p.pl. las paginas tudestgas.
Center da las publicaziuns uffizialas (CPU)
Il Center da las publicaziuns uffizialas (CPU) sustegna e cusseglia ils uffizis federals tar l'elavuraziun da las fatschentas che ston vegnir publitgadas en il Fegl uffizial federal u en la Collecziun uffiziala da las leschas federalas.
Servetschs linguistics centrals, Secziun tudestga
Il Servetsch linguistic tudestg procura ch'ils relaschs da la Confederaziun sajan formulads sin tut ils stgalims en moda precisa e clera ed uschè simpla sco pussaivel e ch'els na cuntegnian naginas cuntradicziuns.
Servetschs linguistics centrals, Secziun franzosa
L’activitad da la Secziun franzosa dals Servetschs linguistics centrals cumpiglia la redacziun legislativa, la translaziun e la revisiun per incumbensa da l’Assamblea federala, dal Cussegl federal, dals departaments e da la Chanzlia federala.
Servetschs linguistics centrals, Divisiun taliana
La Divisiun taliana è responsabla per elavurar la versiun taliana da la legislaziun federala. Ella vain publitgada en l’ediziun taliana dal Fegl uffizial federal e da la Collecziun uffiziala da las leschas federalas.
Servetschs linguistics centrals, Secziun da terminologia
La Secziun da terminologia promova il barat tranter ils linguists e spezialists dals uffizis. Ultra da quai porscha la Secziun da terminologia divers curs da furmaziun specifica. Tant che pussaivel anticipescha ed accumpogna ella projects da legislaziun cun elavurar e metter a disposiziun la terminologia necessaria. Ella sa participescha a projects da l’administraziun federala che cuntegnan ina part terminologica.
Andrea Arcidiacono, vicechancelier
Sectur infurmaziun e communicaziun
Secziun communicaziun
La Secziun communicaziun è responsabla per las relaziuns publicas dal Cussegl federal. Ella è l’organisaziun da cussegliaziun, da servetsch e da manaschi per l’administraziun electronica.
Secziun da sustegn per la communicaziun
La secziun cusseglia e sustegna l'administraziun federala en tut ils secturs da la communicaziun e realisescha products da communicaziun per tut ils chanals.
Secziun sustegn al commando strategic
La Secziun sustegn al commando strategic (SACS) è responsabla per formular ils rapports da gestiun e da planificaziun dal Cussegl federal e garantescha la furmaziun en il sectur dal manaschament da crisas a l’intern da l’administraziun federala.
Servetsch presidial
Il Servetsch presidial, che fa part dapi l’onn 2015 da la Chanzlia federala, sustegna il departament da la presidenta u dal president da la Confederaziun tar sias incumbensas supplementaras durant l’onn presidial. Il Servetsch presidial cusseglia il departament dal president u da la presidenta oravant tut en dumondas da diplomazia e communicaziun.
Adrian Rüfenacht a.i.
Sectur resursas
Secziun servetschs digitals
Il Center da servetschs informatics sustegna la Chanzlia federala en dumondas d’informatica e da telecommunicaziun e stat a disposiziun cun sias cumpetenzas specificas.
Secziun da persunal e resursas
La Secziun da persunal e resursas è responsabla per la gestiun da persunal e per la furmaziun, per finanzas e contabilitad, per legalisaziuns sco er per la gestiun d’occurrenzas da la Chasa Beatrice von Wattenwyl e da la Residenza da champagna Lohn.
Secziun da persunal e resursas
Il cader superiur da l’administraziun federala vegn suttamess ad ina controlla da segirezza. En il center da la controlla da segirezza stat l’interrogaziun da las persunas pertutgadas tras il Servetsch spezialisà per las controllas da segirezza da persunas da la Chanzlia federala.
Secziun da la gestiun da las fatschentas e da la logistica
La Secziun GEVER & Log porscha a la Chanzlia federala ed a l’administraziun federala servetschs en ils secturs da la gestiun da las fatschentas e da la logisitica. La segirezza integrala è responsabel per la segirezza dals edifizis, da las persunas e da l’infurmaziun sco er per la gestiun da las ristgas incl. gestiun da la cuntinuitad da las fatschentas.
Daniel Markwalder
Il TDT procura per la coordinaziun interdepartamentala dals projects, dals meds finanzials e dals servetschs administrativs che han sco finamira la transfurmaziun digitala da l’administraziun federala.
