Secziun da la gestiun da las fatschentas (GEVER) e da la logistica (Log)

La Secziun GEVER & Log porscha a la Chanzlia federala ed a l’administraziun federala servetschs en ils secturs da la gestiun da las fatschentas e da la logisitica.

Gestiun electronica da las fatschentas (GEVER)

La Chanzlia federala (ChF) producescha e retschaiva mintg’onn millis e millis da documents digitals. Talas quantitads pon manar ad in caos. Per evitar quai procurain nus per urden.
Nossa incumbensa principala èsi da garantir che las actas digitalas da la Chanzlia federala vegnan modifitgadas e conservadas en in sistem da GEVER structurà. Uschia èn las decisiuns accessiblas e suandablas da tut temp.
Cun sustegnair il sistem da GEVER pussibilitain nus a medem temp l’andament simplifitgà dals process. La collavuraziun tranter ils differents secturs da la Chanzlia federala daventa pli efficazia.

Logistica

En il sectur da la logistica essan nus responsabels per il mobigliar e per la gestiun dal material da la ChF. Plinavant coordinain nus tut ils servetschs logistics en la Chasa federala vest (ChF, DFAE, EJPD, per part Servetschs dal parlament).
A chaschun da visitas e d’auters eveniments uffizials impurtants coordinain nus en collavuraziun cun il Departament federal d’affars exteriurs (DFAE) il servetsch da las salteras e dals salters.

Ultima midada 07.11.2017

Tar il cumenzament da la pagina

https://www.bk.admin.ch/content/bk/rm/home/bk/organisaziun-da-la-chanzlia-federala/sektion-geschaeftverwaltung-und-logistik.html