Suenter las sesidas dal Cussegl federal dat per regla ina represchentanta u in represchentant da la regenza pled e fatg a la publicitad davart ils conclus impurtants dal Cussegl federal. Las conferenzas da medias, che vegnan manadas dal pledader dal Cussegl federal, organisescha la Chanzlia federala. Ella transmetta en directa las conferenza da medias en la rait ed infurmescha sur differents chanals, tranter auter sin la pagina admin.ch e sin l’account da Twitter dal pledader dal Cussegl federal. Plinavant è la Chanzlia federala responsabla per las explicaziuns dal Cussegl federal (carnet da votar).
