La presidenta u il president da la Confederaziun sa scuntra savens cun scheffas e schefs d'auters stadis. Ella u el represchenta ils interess da la Svizra sin il plaun guvernamental il pli aut. Il servetsch presidial da la Chanzlia federala sustegna tant la titulara u il titular da quest uffizi sco er il departament correspundent cun ademplir questas incumbensas. Il servetsch presidial cusseglia en dumondas da la diplomazia e da la communicaziun. En Svizra mida il presidi da la Confederaziun mintga onn. Il servetsch presidial procura per cuntinuitad e per effizienza. Grazia a quest servetsch po mintga presidenta e mintga president da la Confederaziun profitar da las experientschas, da las enconuschientschas e dals contacts dals onns precedents.
