La Secziun tudestga dals Servetschs linguistics centrals da la Chanzlia federala procura per texts d'autoritads chapibels e guarda che la communicaziun plurilingua da las autoritads funcziunia.
Redacziun da leschas
En il rom da la Cumissiun interna da redacziun (CIR) procura la Secziun tudestga ch'ils texts da leschas hajan ina formulaziun precisa, clera ed uschè simpla sco pussaivel, ch'els na cuntegnian naginas cuntradicziuns e che las versiuns da las trais linguas uffizialas correspundian ina cun l'autra. La secziun controllescha er che auters texts d'autoritads, per exempel rapports u posiziuns dal Cussegl federal, sajan chapibels e che lur qualitad linguistica constettia.
Translaziun
La Secziun tudestga translatescha texts da la Chanzlia federala e da la presidenta u dal president da la Confederaziun en tudestg e controllescha translaziuns da las autoritads federalas ch'èn vegnidas fatgas dals departaments e dals uffizis. Uschia procura ella che la communicaziun plurilingua da las autoritads è d'ina auta qualitad.
Politica da linguas
La Secziun tudestga cooperescha en gremis naziunals ed internaziunals che sa fatschentan cun dumondas da la politica da linguas, per exempel en il Cussegl da l'ortografia tudestga. Ella fa valair la perspectiva da l'administraziun federala e defenda ils interess da la Svizra.
Cussegliaziun linguistica
La Secziun tudestga metta a disposiziun mussavias ed auters meds auxiliars che faciliteschan la redacziun da texts uffizials e che duain dar als texts in'apparientscha unitara. Ultra da quai cusseglia la secziun emploiadas ed emploiads federals sco er burgaisas e burgais en dumonda linguisticas.
Scolaziun
La Secziun tudestga cooperescha a la scolaziun ed a la furmaziun supplementara da legistas e legists (seminaris legislativs da Murten, curs da legislaziun da la Confederaziun, forum da legislaziun) sco er da collavuraturas e collavuraturs dals servetschs linguistics (curs tar ils mussavias linguistics, rait da las translaturas e dals translaturs tudestgs).
Ulteriuras infurmaziuns
Contact
Adressa
Servetschs linguistics centralsSecziun tudestga
Gurtengasse 4
3003 Bern
- Tel.
- +41 58 464 15 64
Persunas da contact
Charta
Plan
Plan da situaziun: Entrada en la curt interna, cuntanschibla tras la passascha sper la Gurtengasse 6
