Secziun da persunal e resursas

La Secziun da persunal e resursas è sco ina platta girabla areguard las resursas dals servetschs interns da la Chanzlia federala (ChF). Ella è er in’impurtanta adressa per tut gener da support a l’intern da la ChF.

Gestiun dal persunal
La partiziun gestiun dal persunal è responsabla per ils concepts, per l’infra- structura e per las mesiras d’in manaschament modern da las resursas uma- nas che metta pais sin la scolaziun, la regulaziun e la promoziun da las resursas dal persunal en las unitads d’organisaziun. Ella garantescha il mantegniment ed il svilup dal chapital uman da la Chanzlia federala.

En il center stattan il sustegn, la tgira e la cussegliaziun dal cader ierarchic sco er da las collavuraturas e dals collavuraturs da la ChF. Il team da la gestiun dal persunal s’occupa ultra da quai er da la scolaziun da las em- prendistas e dals emprendists da commerzi e da l’organisaziun da las occurrenzas en ils edifizis federals.

Gestiun da las occurrenzas
Las duas residenzas “Landgut Lohn” a Kehrsatz e la “Chasa da Beatrice von Wattenwyl” a Berna èn vegnidas surdadas da lur possessurs a la Confede- raziun per il diever exclusiv da visitas dal Cussegl naziunal. La partiziun gestiun da las occurrenzas è responsabla per il manaschi ed il diever ade- quat da questas duas localitads.

Gestiun da las resursas
Las incumbensas principalas èn la gestiun dals process operativs da la planisaziun da finanzas e dal controlling, la contabilitad e la preschen- taziun da la contabilitad. L’unitad gestiun da las resursas sustegna e cusseglia plinavant las persunas superiuras cun repartir las resursas.

Il team administrescha ultra da quai l’entira contabilitad dal persunal, las datas da tschep e temporaras dal persunal, las datas davart la structura e garantescha che las prescripziuns dal dretg da las acquisiziuns publicas vegnian respectadas.

Legalisaziuns
L’unitad da legalisaziuns è responsabla da verifitgar, sche las suttascrip- ziuns che vegnan da l’exteriur sin documents e scrits èn originalas u betg. El autentifitgescha las suttascripziuns da las unitads administrativas da l’administraziun federala, da las ambassadas dals consulats svizzers sco er quellas da las missiuns diplomaticas e dals consulats esters en Svizra. Plinavant legalisescha el medemamain las suttascripziuns da las chanzlias chantunalas e da las organisaziuns cun incumbensas d’interess naziunal.