Center da servetschs informatics CSI

Il Center da servetschs informatics sustegna la Chanzlia federala en dumondas d’informatica e da telecommunicaziun e stat a disposiziun cun sias cumpetenzas specificas. Sia purschida d’incumbensas cumpiglia ils suandants secturs:

Gestiun d’applicaziuns, da servetsch e da midadas

La gestiun d’applicaziuns e da servetsch garantescha che las applicaziuns ed ils servetschs funcziunian a moda correcta e duraivla. La gestiun da midadas procura che las adattaziuns necessarias vi da las applicaziuns e vi da las infrastructuras possian vegnir fatgas a moda regulara e transparenta. Ils utilisaders e las utilisadras sco er l’infrastructura da las tecnologias d’infurmaziun e da communicaziun (TIC), che vegn duvrada per las applicaziuns, pretendan in’actualisaziun permanenta. Quai èn ils motivs principals per las uschenumnadas “midadas” che vegnan gestidas dal CSI. 

Projects

Per pudair realisar projects d’informatica, metta il CSI a disposiziun manaders da project sin in champ specific e sche necessari er sco mainaproject. Ils projects vegnan realisads, tut tenor volumen, internamain ubain en collavuraziun cun partenaris externs.

Architectura e segirezza

L’architectura informatica garantescha che las singulas applicaziuns giajan a prà, che las interfatschas funcziuneschian e che las medemas incumbensas vegnian realisadas tecnicamain en la medema moda, per evitar parallelissems.

La segirezza informatica procura che las prescripziuns da segirezza da la Confederaziun vegnian respectadas en ils projects, ch’ils sistems dals furniturs da prestaziuns sajan sin il stan il pli actual e ch’i na dettia naginas mancanzas en las disposiziuns da segirezza. Ultra da quai è la segirezza informatica responsabla per la gestiun da ristgas da las TIC.

Ultima midada 10.10.2017

Tar il cumenzament da la pagina

https://www.bk.admin.ch/content/bk/rm/home/bk/organisaziun-da-la-chanzlia-federala/service-center-informatik.html