Organigram TDT

Organigram TDT

Il TDT sa cumpona da var 65 collavuraturas e collavuraturs ch'èn repartids sin quatter champs d'incumbensas:

  • L'unitad «Svizra digitala» ha l'incumbensa d'identifitgar ad uras temas impurtants da la digitalisaziun e las sfidas respectivas, da contactar il dretgs partenaris per chattar soluziuns adattadas e da coordinar las discussiuns. Ella duai promover la collavuraziun ed il barat tranter las autoritads, l'economia, la scienza, la societad civila ed ils acturs politics.

  • L'unitad «Transfurmaziun ed interoperabilitad» duai optimar la cumpatibilitad da las applicaziuns entaifer l'administraziun federala e sustegnair las unitads administrativas en connex cun la digitalisaziun. La finamira è d'identifitgar ils temas da la digitalisaziun strategicamain impurtants da l'administraziun federala e da gidar a realisar questas novaziuns en moda orientada a la clientella.

  • En il center da l'unitad «Prestaziuns digitalas da standard» stat la direcziun e l'ulteriur svilup dals servetschs cuminaivels. Blers elements vegnan applitgads en moda sumeglianta en las domenas las pli differentas. Quests servetschs da standard d'ozendi vegnan examinads e sviluppads vinavant concernent il cuntegn e la governance.

  • L'unitad «Servetschs da digitalisaziun» presta servetschs impurtants per la digitalisaziun che n'han – cuntrari a las «Prestaziuns digitalas da standard» – nagin connex tecnic direct, sco p.ex. la direcziun finanziala dals meds centrals da las TIC, il controlling dals projects-clav en connex cun las TIC da l'administraziun federala u la coordinaziun e la realisaziun d'acquisiziuns tenor la WTO.

Contact

Sectur «Transfurmaziun digitala e direcziun da las TCI» (TDT) Monbijoustrasse 91
CH-3003 Berna
Tel.
+41 (0)58 463 4664

Info TDT

Stampar il contact

https://www.bk.admin.ch/content/bk/rm/home/digitale-transformation-ikt-lenkung/bereichdti/organigramm.html