Sectur TDT

Il Sectur Transfurmaziun digitala e direcziun da las TIC (TDT) da la Chanzlia federala sustegna e coordinescha la transfurmaziun digitala da l'administraziun federala. Quai fa el en stretga collavuraziun cun ils departaments. Plinavant metta el a disposiziun uschenumnads servetschs da standard centrals (p.ex. preschentaziun en l'internet, telefonia, e-mail).

La transfurmaziun digitala è ina incumbensa cuminaivla. Il Sectur TDT da la Chanzlia federala sustegna la transfurmaziun digitala da l'administraziun federala. La responsabladad principala han ils departaments ed ils uffizis spezialisads respectivs. Il TDT coordinescha las lavurs, fixescha standards, decretescha prescripziuns, metta a disposiziun meds auxiliars ed è responsabel per ils servetschs che vegnan duvrads cuminaivlamain. Quai fa el en il Cussegl per la transfurmaziun digitala da la Confederaziun (Cussegl TDT) en collavuraziun cun ils departaments. Plinavant sa coordinescha il TDT cun l'Administraziun digitala Svizra sco er cun il Uffizi federal de la cybersegirezza UFCS.

Incumbensas

Las incumbensas dal TDT pon vegnir divididas en quatter secturs che correspundan er a las partiziuns tenor l'organigram :

1. Svizra digitala: Il TDT identifitgescha a temp ils temas impurtants da la digitalisaziun e las sfidas respectivas.
2. Transfurmaziun ed interoperabilitad: Il TDT sustegna ils uffizis federals en connex cun la digitalisaziun e facilitescha la cooperaziun.
3. Prestaziuns digitalas da standard: Il TDT metta a disposiziun a l'administraziun federala prestaziuns, per exempel l'automatisaziun dals biros (laptops, smartphones, programs dad Office e.u.v.), sco servetschs da standard centrals.
4. Servetschs per la digitalisaziun: Il TDT furnescha servetschs centrals per l'administraziun federala, sco per exempel il controlling da projects-clav.

Organisaziun

Il Sectur TDT fa part da la Chanzlia federala. Il sectur vegn manà dal delegà per la transfurmaziun digitala Daniel Markwalder, ch'è vegnì elegì dal Cussegl federal. Il delegà è suttamess al chancelier federal ed è commember da la direcziun da la Chanzlia federala. Tut tenor l'impurtanza prenda la Confederaziun decisiuns en connex cun la transfurmaziun digitala sin differents stgalims, e quai sa basond sin il model directiv.

Il TDT ha var 65 collavuraturas e collavuraturs. Nus essan adina puspè a la tschertga da novas collegas e da novs collegas (Alle offenen Stellen (admin.ch) à Bundeskanzlei BK auswählen).

Ulteriuras infurmaziuns

Medias

Communicaziun a las medias da 25.11.2020 (en tudestg, franzos e talian)

Digitale Transformation und IKT-Lenkung (DTI): Bundesrat bestätigt Neuorganisation

Communicaziun a las medias da 25.06.2020 (en tudestg, franzos e talian)

Il Cussegl federal elegia Daniel Markwalder sco delegà dal Cussegl federal per la transfurmaziun digitala e per la direcziun da las TIC

Basas legalas

Ordinaziun davart l'organisaziun de la Chanzlia federala (en tudestg, franzos e talian)

Lescha davart l’organisaziun da la regenza e da l’administraziun (LORA)

Ordinaziun davat l'organisaziun da la regenza e da l'administraziun (OORA) (en tudestg, franzos e talian)

V001 - Ordinaziun davart l’informatica e la telecommunicaziun en l’administraziun federala (OIAF) (en tudestg, franzos, talian e englais) 

Ordinaziun davart l’organisaziun da las acquisiziuns publicas da la Confederaziun (OOrg-OAP) (en tudestg, franzos e talian)