La Chanzlia federala ChF
La Chanzlia federala è il post da stab dal Cussegl federal: Ella procura ch’il Cussegl federal possia decider en moda fundada ed infurmar en moda activa. Ella è responsabla per la coordinaziun entaifer l’administraziun federala e sustegna quella en connex cun la transfurmaziun digitala e cun il management da crisas. Sco guardiana dals dretgs dal pievel organisescha la Chanzlia federala elecziuns e votaziuns federalas.
Activitads
Fatschentas dal Cussegl federal
La Chanzlia federala organisescha ensemen cun il departament presidial las sesidas dal Cussegl federal. Questas sesidas han lieu circa mintga emna.
Dretgs politics
La Chanzlia federala organisescha en collavuraziun cun ils chantuns las votaziuns e las elecziuns federalas. Ils comités d’iniziativa u da referendum inoltreschan tar la chanzlia las suttascripziuns necessarias.
Communicaziun
La Chanzlia federala procura che la publicitad vegnia infurmada davart ils conclus dal Cussegl federal. Per quai organisescha ella conferenzas da pressa u è activa sin X e Instagram.
Transfurmaziun digitala e direcziun da las TIC
La Chanzlia federala sustegna e coordinescha la transfurmaziun digitala da l'administraziun federala. Quai fa el en stretga collavuraziun cun ils departaments.
Commando strategic
La Chanzlia federala persequitescha tendenzas internaziunalas e sviluppa scenaris dal futur. Uschè sustegna ella il Cussegl federal en sias decisiuns politicas.
Linguas
La Chanzlia federala procura per texts uffizials corrects ed enclegentaivels en tut las linguas uffizialas, per part er en rumantsch ed en englais.
Chancelier federal
Chancelier da la Confederaziun Viktor Rossi
Viktor Rossi è al timun da la Chanzlia federala dapi l’onn 2024. Il chancelier federal sustegna e cusseglia la regenza.
Actualitad
La Confederaziun en furma concisa 2026
Il manual civic, sco broschura e sco app.