Planisaziun politica
Co pudess la Svizra sa preschentar en 15 onns? Cun tge schanzas e sfidas è confruntà il pajais? Tge finamiras strategicas e tge accents prioritars duain vegnir fixads per la proxima perioda da legislatura? Da questas dumondas s'occupa la Chanzlia federala per incumbensa dal Cussegl federal. Ella observa ils svilups, ils temas ed ils trends ch'èn relevants per l'avegnir da la politica da la Confederaziun, e deducescha champs d'acziun pussaivels. Sin basa da quai coordinescha la Chanzlia federala l'elavuraziun da la planisaziun da la legislatura da 4 onns dal Cussegl federal. En questa planisaziun vegnan fixadas las directivas, finamiras e mesiras da la politica guvernamentala. Ella serva sco basa per concretisar las finamiras annualas dal Cussegl federal e per realisar las mesiras correspundentas. Ultra da quai coordinescha la Chanzlia federala l'elavuraziun dal rapport da gestiun. En quest rapport dat ella pled e fatg davart las activitads dal Cussegl federal durant l'onn da gestiun ed infurmescha, quant enavant che las finamiras èn vegnidas cuntanschidas.