Linguas
L’administraziun federala è en il servetsch d’ina populaziun plurilingua e sto perquai metter a disposiziun sias publicaziuns en tudestg, franzos e talian. Singuls texts publitgescha ella er en rumantsch ed en englais. Las linguistas ed ils linguists da la Chanzlia federala procuran che las leschas ed auters texts uffizials sajan enclegentaivels e giuridicamain corrects en mintga lingua. Gist areguard ils texts legislativs è quest punct fitg subtil, damai che las leschas èn egualas e giuridicamain valaivlas en tut las trais linguas uffizialas franzos, talian e tudestg.
Translaziun
En servetsch d’ina populaziun plurilingua sto l’administraziun federala publitgar ses documents en tudestg, en franzos ed en talian. Tscherts texts uffizials vegnan medemamain publitgads en rumantsch ed en englais.