Translaziun
En servetsch d’ina populaziun plurilingua sto l’administraziun federala publitgar ses documents en tudestg, en franzos ed en talian. Tscherts texts uffizials vegnan medemamain publitgads en rumantsch ed en englais.
Las translaturas ed ils translaturs da l’administraziun federala
Per las translaziuns en las trais linguas uffizialas (tudestg, franzos e talian) èn responsabels ils suandants servetschs da l’administraziun federala:
- ils Servetschs linguistics centrals da la Confederaziun, suttamess a la Chanzlia federala
- ils Servetschs linguistics centrals dals departaments
- las translaturas ed ils translaturs dals singuls uffizis federals
Da las translaziuns en englais s’occupan in servetsch linguistic central che fa part da la Chanzlia federala sco er las translaturas ed ils translaturs dals departaments e dals uffizis federals. Il Servetsch linguistic rumantsch è medemamain suttamess a la Chanzlia federala. El cumpiglia ina suletta persuna che coordinescha las translaziuns da l’entira administraziun federala.
Infurmaziuns supplementaras
- Rumantsch
- Meds d’agid per la redacziun e per la translaziun da texts
- Servetschs linguistics centrals, Secziun da terminologia
- Conferenza dals servetschs da translaziun dals stadis europeics (CST)
Contact
Servetschs linguistics centrals
Secziun da terminologia
Gurtengasse 3
3003 Berna
Incumbensadras ed incumbensaders
Eine partnerschaftliche Geschäftsbeziehung ist beim Übersetzen die beste Qualitätsgarantie. Die Autorinnen und Autoren der Texte können von der Übersetzung profitieren, denn die Übersetzerinnen und Übersetzer sind die ersten aufmerksamen Leserinnen und Leser des Textes. Eine enge Zusammenarbeit mit den Sprachdiensten zahlt sich so im Hinblick auf die Textqualität aus.
Translaturas e translaturs externs
Delegar ina incumbensa a translaturas e translaturs externs? Co proceder?
Rumantsch
Rumantsch è ina ingua naziunala e parzialmain uffiziala da la Confederaziun. La Chanzlia federala vegn incumbensada cun translaziuns rumantschas da tut l’administraziun federala ed è responsabla per lur coordinaziun.
Englais
L’englais n’è ni ina lingua naziunala ni ina lingua uffiziala da la Svizra, ma gioga tuttina ina rolla impurtanta en noss pajais. Il servetsch linguistic englais realisescha translaziuns per differents uffizis da la Confederaziun sco er per ils Servetschs dal parlament.