Delegà per la transfurmaziun digitala e per la direcziun da las TIC

Dapi il 1. da schaner 2021 maina Daniel Markwalder il sectur «Transfurmaziun digitala e direcziun da las TIC» (TDT) da la Chanzlia federala. Il Cussegl federal l’ha elegì en questa posiziun, ch’è vegnida creada da nov, la fin da zercladur 2020.

Daniel Markwalder ha studegià giurisprudenza a l’Universitad da Berna. Suenter avair terminà quest studi l’onn 2001 ha el absolvì il studi da basa d’inschigner d’informatica a la SPF Turitg. Da l’onn 2004 fin l’onn 2008 ha el scrit sia dissertaziun en il champ dal dretg d’informatica a la facultad da giurisprudenza da l’Universitad da Turitg. Suenter differentas activitads en l’economia privata ed en diversas instituziuns da furmaziun durant sia scolaziun, è signur Markwalder entrà en uffizi tar l’administraziun federala l’onn 2008. Sco manader da partiziun per certificats digitals (ICP) e products da segirezza era el responsabel tar l’Uffizi federal d’informatica e da telecommunicaziun (UFIT) per ils aspects criptografics en il project strategic «passaport svizzer». 

Tar il Departament federal d’economia, furmaziun e retschertga (DFER) è Daniel Markwalder stà manader da la partiziun d’informatica e dapi il cumenzament da l’onn 2016 fin la fin da l’onn 2020 secretari general suppleant e responsabel per il sectur resursas. Il delegà per la transfurmaziun digitala e la direcziun da las TIC è suttamess al dretg da dar directivas dal chancelier federal.

Medien

25.06.2020 Daniel Markwalder zum Delegierten des Bundesrates für digitale Transformation und IKT-Lenkung gewählt (en tudestg, franzos e talian)