Access senza barrieras en l'administraziun federala
Infurmaziuns e servetschs disponibels digitalmain simplifitgeschan per persunas cun impediments la communicaziun cun posts publics. Quai pussibilitescha la participaziun sociala e politica per tuttas e tuts.
L'administraziun federala sa stenta da concepir senza barrieras cuntegns da purschidas d'internet ed applicaziuns mobilas. La eCH-0059 accessibility standard version 3 pretenda l'observaziun dals criteris da las WCAG 2.1 sin il stgalim da confurmitad AA.
Disposiziuns surordinadas
Disposiziuns concernent l'accessibilitad èn formuladas en las suandantas ordinaziuns:
- L'artitgel 8 alinea 2 da la Constituziun federala pretenda che persunas cun in impediment corporal, spiertal u psichic na vegnian betg discriminadas.
- La Lescha davart l'egualitad da persunas cun impediments (Llmp) oblighescha da prender mesiras per impedir, per reducir u per eliminar dischavantatgs.
- L'Ordinaziun davart l'egualitad da persunas cun impediments (OImp) cuntegna disposiziuns concernent las pretensiuns da concepir ils servetschs da la Confederaziun tenor ils basegns da las persunas cun impediments.
- L'artitgel 9 da la Convenziun da l'ONU davart ils dretgs dals umans cun impediments (CRPD) explitgescha la garanzia d'in access cun ils medems dretgs ad infurmaziuns ed a servetschs per la publicitad.
Decleraziun d'accessibilitad
Questa pagina d'internet correspunda per part a las WCAG 2.1, stgalim da confurmitad AA. Las excepziuns èn inditgadas qua sutvart.
Excepziuns
Incumpatibilitad cun las disposiziuns d'accessibilitad:
- L'utilisaziun da la tastatura è sin in bun nivel cun in pitschen basegn da meglieraziun. Questas optimaziuns èn planisadas il pli tard cun in release en il Q2/2023. I pon gia vegnir fatgas ordavant cuntinuadamain optimaziuns pli pitschnas.
- L'utilisaziun cun in screenreader n'è anc betg pussaivla optimalmain ed è per part cumplitgada. Ina meglieraziun duai vegnir realisada il pli tard cun in release en il Q2/2023. I pon gia vegnir fatgas ordavant cuntinuadamain optimaziuns pli pitschnas.
Datas
La decleraziun d'accessibilitad è vegnida fatga il 01-06-2022.
La decleraziun d'accessibilitad è vegnida controllada sco ultim il 01-06-2022.