Il post da consultaziun per l'Ecosistem da datas Svizra sustegna persunas privatas ed autoritads d'installar spazis da datas fidabels. Plinavant garantescha el, ch'ils spazis da datas funcziunian tenor princips cuminaivels e ch'els sajan cumpatibels tranter els. Il post da consultaziun è domicilià tar la Chanzlia federala.
Il post da consultaziun per l'Ecosistem da datas Svizra sa drizza en medema maniera als acturs da l'administraziun e da l'economia privata. Il post da consultaziun contribuescha a la finamira ch'ils spazis da datas svizzers sa sviluppian en ina direcziun cuminaivla. El gida a render fidabels e cumpatibels tranter els ils spazis da datas. El promova novas ideas, per che l'Ecosistem da datas Svizra possia sa sviluppar vinavant.
Avais Vus dumondas en connex cun l'installaziun u il mantegniment da spazis da datas en Svizra? N'hajas naginas retegnientschas da contactar il post da consultaziun per l'Ecosistem da datas Svizra: dataspaces@bk.admin.ch
Contact
Bereich Digitale Transformation und IKT-Lenkung (DTI)
Monbijoustrasse 91
3003 Bern