La Divisiun taliana dals Servetschs linguistics centrals, fundada l’onn 1917 sco secretariat per la Svizra taliana (SSI), è il servetsch linguistic il pli vegl da la Chanzlia federala. Ella sa cumpona da las unitads “Legislaziun e lingua” cun sedia a Berna e “Translaziun e redacziun” cun sedia a Bellinzona.
Procura per la versiun taliana da la legislaziun federala
La Divisiun taliana è responsabla per elavurar la versiun taliana da la legislaziun federala. Ella vain publitgada en l’ediziun taliana dal Fegl uffizial federal e da la Collecziun uffiziala da las leschas federalas, en la quala vegnan publitgads ils texts uffizials ch’èn vegnids relaschads ed approvads dal Cussegl federal e dal parlament (missivas, leschas, conclus federals, ordinaziuns, contracts internaziunals, euv.).
Ultra da quai collavurescha la Divisiun taliana cun la Cumissiun parlamentara da redacziun per la lingua taliana ed è responsabla per ses secretariat.
Perquai ch’ella lavura tant per il Cussegl federal sco er per il parlament ha la Divisiun taliana ina posiziun particulara ed autonoma. Ils texts legislativs vegnan redigids praticamain be en tudestg ed en franzos, quasi mai en talian. Il motiv è ch’i na dat avunda persunal italofon en l’administraziun federala.
Translaziuns talianas per la Chanzlia federala e per ils Servetschs dal parlament
La Divisiun incorporescha il servetsch linguistic talian da la Chanzlia federala e dals Servetschs dal parlament e translatescha en talian ils texts uffizials dad omaduas instituziuns, en particular rapports, communicaziuns a las medias, documentaziuns,
circularas, paginas d’internet e.s.
Coordinaziun da las translaziuns e cussegliaziun linguistica
La Divisiun taliana surpiglia er la coordinaziun da las translaziuns talianas en tut l’administraziun federala ed ha la funcziun da cussegliadra da las regiuns italofonas en dumondas linguisticas.
Contact
Berna
Divisiun talianaLegislaziun e lingua
Gurtengasse 4
3003 Berna
- Tel.
- +41 58 464 11 36
Bellinzona
Divisiun talianaTranslaziun e redacziun
via Lugano 3
6500 Bellinzona
- Tel.
- +41 58 466 54 70