Secziun da sustegn per la communicaziun

La secziun cusseglia e sustegna l'administraziun federala en tut ils secturs da la communicaziun e realisescha products da communicaziun per tut ils chanals.

La secziun realisescha directamain ils products da communicaziun u fa quai en collavuraziun cun spezialists externs. Products stampads èn ina pitga impurtanta, ma savens vegnan els cumplettads cun medias electronicas. Perquai tutgan videos, fotografias, infograficas u apps per il smartphone tar la paletta da products da la secziun.

«La Confederaziun en furma concisa»

La Secziun da sustegn per la communicaziun è responsabla per la broschura "La Confederaziun en furma concisa" che cumpara mintga onn en tschintg linguas. Dapi passa 30 onns è ella in'ovra da standard cumprovada per l'instrucziun civica en las scolas, per persunas che vulan acquistar il dretg da burgais sco er per tut tgi che s'interessa per il sistem politic da la Svizra. Dapi l'onn 2016 datti latiers er l'app "CH info".

Videos da votaziun

Per cumplettar las explicaziuns stampadas dal Cussegl federal elavura la secziun videos explicativs tar ils projects da votaziun federals. Ils videos han la finamira da declerar il pli impurtant davart ils projects ord vista neutrala ed en moda uschè curta e chapibla sco pussaivel. Ils videos da votaziun vegnan publitgads sin il chanal da YouTube dal Cussegl federal.

Corporate Design Confederaziun

La Secziun da sustegn per la communicaziun è plinavant responsabla per l'applicaziun strategica ed operativa dal CD Confederaziun e per l'ulteriur svilup da tal.

Contact

Adressa

Secziun da sustegn per la communicaziun
Gurtengasse 5
3003 Berna

E-Mail

info@bk.admin.ch

Contact

Secziun da sustegn per la communicaziun

Stampar il contact

https://www.bk.admin.ch/content/bk/rm/home/bk/organisation-der-bundeskanzlei/kommunikationsunterstuetzung.html