Il 1. da fanadur 2006 è entrada en vigur la Lescha federala davart il princip da la transparenza da l'administraziun (Lescha da transparenza, LTrans). Tenor questa lescha ha mintga persuna il dretg da prender invista da documents uffizials da l'administraziun federala, premess ch'interess publics u privats predominants na s'opponian betg ad ina publicaziun. Quest dretg exista independentamain da la naziunalitad u dal domicil da la petenta u dal petent. Ins n’è n’er betg oblià d’inditgar in motiv.
Ins po prender invista da documents ch'èn vegnids elavurads suenter il 1. da fanadur 2006.
Las collavuraturas ed ils collavuraturs da medias che s’interessan per in document uffizial or dal sectur da la Chanzlia federala, sa drizzan per plaschair cun lur dumonda a l’adressa:
Chanzlia federala
Secziun communicaziun
Chasa federala vest
3003 Berna
Tut las ulteriuras dumondas pon vegnir inoltradas a l’adressa:
Chanzlia federala
Secziun dretg
Incumbensà per la transparenza da la ChF, Signur Stephan Brunner
Chasa federala vest
3003 Berna
La dumonda duess esser uschè precisa sco pussaivel per pussibilitar l'identificaziun dal document giavischà. Uschenavant ch’ins ha las infurmaziuns duain ins inditgar en spezial il titel, il sectur pertutgà, l'autoritad che ha elavurà il document, la referenza sco er ina tscherta perioda u la data d'elavuraziun.
