Sustegn da la regenza
Fatschentas dal Cussegl federal
La Chanzlia federala organisescha ensemen cun il departament presidial las sesidas dal Cussegl federal. Questas sesidas han lieu circa mintga emna.
Commando strategic
La Chanzlia federala persequitescha tendenzas internaziunalas e sviluppa scenaris dal futur. Uschè sustegna ella il Cussegl federal en sias decisiuns politicas.
Communicaziun
La Chanzlia federala procura che la publicitad vegnia infurmada davart ils conclus dal Cussegl federal. Per quai organisescha ella conferenzas da pressa u è activa sin X e Instagram.
Linguas
La Chanzlia federala procura per texts uffizials corrects ed enclegentaivels en tut las linguas uffizialas, per part er en rumantsch ed en englais.
Legislaziun
La Chanzlia federala è responsabla per las leschas impurtantas davart la regenza e l’administraziun.
Sustegn per la legislaziun
La Chanzlia federala accumpogna la redacziun da la legislaziun da tut l’administraziun federala a moda giuridica e linguistica.
Publicaziuns uffizialas
La Chanzlia federala publitgescha texts uffizials en la rait ed a moda stampada.
Servetsch presidial
La Chanzlia federala sustegna e cusseglia la presidenta u il president da la Confederaziun.
Management da crisas
La Chanzlia federala cusseglia e sustegna il Cussegl federal cura ch’i va per preparar e per dumagnar crisas.