Midar al cuntegn principal

Management da crisas

La Chanzlia federala sustegna e cusseglia ils departaments cura ch’i va per preparar e per dumagnar crisas interdepartamentalas. Sin basa da la Lescha davart l'organisaziun da la regenza e da l'administraziun (LORA) e da l’Ordinaziun davart l'organisaziun da l'administraziun federala en cas da crisas (OCAF) ademplescha la Chanzlia federala differentas incumbensas en il sectur dal management da crisas. Ultra da quai è ella vegnida incumbensada dal Cussegl federal da manar il project per l’Exercizi integrà 2025 (EI 25), in exercizi da crisa sin plaun naziunal.

Dapi las evaluaziuns dal management da crisas da l’administraziun federala durant la pandemia dal coronavirus è il dumber d’incumbensas da la Chanzlia federala en il sectur dal management da crisas creschì fermamain. En vista a la realisaziun cooperescha la Chanzlia federala stretgamain cun ils departaments ed ils acturs chantunals.

En il sectur dal management da crisas furnescha la Chanzlia federala surtut ils suandants servetschs:

Cun l’Exercizi integrà (EI 25) che ha lieu il november 2025, vegnan examinadas la nova organisaziun da l’administraziun federala e quellas dals chantuns en cas da crisas. Per quest intent vegnan per l’emprima giada in exercizi da commando strategic (ECS) ed in exercizi da la Rait naziunala da segirezza (ERNS) cumbinads in cun l’auter. La Confederaziun ed ils chantuns èn ensemen responsabels per la planisaziun, per la realisaziun e per l’evaluaziun.

Ulteriuras infurmaziuns

Exercizis en il management da crisas

Cussegliaziun, scolaziun e furmaziun supplementara

Job Shadowing e Job Rotation - projects da pilot

Midai per plaschair a la versiun tudestga, franzosa u taliana da la pagina d’internet per dapli infurmaziuns davart las activitads da la Chanzlia federala en il sectur da Job Shadowing e Job Rotation.