Il stab dal chancelier federal

Il Stab dal chancelier federal porscha ses sustegn tant en fatgs organisatorics ed administrativs sco er en connex cun dossiers tematics e strategics ch’èn destinads per il chancelier federal u per il Cussegl federal.

Il Stab dal chancelier federal sustegna il chancelier federal e las vicechancelieras federalas en lur lavur. El gida tar las fatschentas quotidianas sco er tar projects strategics e tar incumbensas spezialas – sin plaun tematic, organisatoric ed administrativ.

Tar las incumbensas centralas dal Stab tutgan la preparaziun e l’elavuraziun posteriura da las fatschentas e da las sesidas dal Cussegl federal, l’accumpagnament dal chancelier federal, la gestiun da l’agenda sco er la preparaziun dals dossiers. Ultra da quai coordinescha il Stab las fatschentas parlamentaras da la Chanzlia federala, assista las sesidas da la direcziun ed è il post da contact per projects d’ina impurtanza politica pli gronda.

Tar il Stab dal chancelier federal tutgan l’avantchombra dal chancelier federal cun il salter sco er ina gruppa da referentas e referents.