Il stab dal chancelier federal sustegna tant en cas da dumondas organisatoricas ed administrativas sco er en cas da preparaziuns e d'elavuraziuns posteriuras tematicas da las sesidas dal Cussegl federal.
Il stab dal chancelier federal sustegna il chancelier federal ed ils vicechanceliers en tut las dumondas organisatoricas ed administrativas. Ultra da quai è il stab dal chancelier federal responsabel per la preparaziun e per l'elavuraziun posteriura tematica da las sesidas dal Cussegl federal, da las sesidas da la direcziun u sco post da contact en cas da fatschentas dal parlament u en connex cun autras fatschentas d'ina impurtanza politica pli gronda. Las assistentas dal chancelier federal e dals vicechanceliers, il manischunz, il salter ed ils referents fan pia part dal Stab dal chancelier federal.
